សមត្ថកិច្ចរួមទាំងអូបរ័អ្នកឧកញ៉ាទៀ វិចិត្រ ចេញជួយសង្គ្រោះអ្នកទេសចរណ៍ជាតិ,អន្តរជាតិសរុប១៨នាក់

ខេត្តព្រះសីហនុ÷ សមត្ថកិច្ចនគរបាលព្រំដែនទឹកឲ្យដឹងថា÷ នៅថ្ងៃទី២១ ខែវិច្ឆិកា ឆ្នាំ២០២៤ នារសៀលម៉ោង៤និង៣០នាទី មានករណីលិចទូកមួយគ្រឿងដែលដឹកទំនិញនិងមានដឹកភ្ញៀវទេសចរណ៍បរទេសផងរបស់ក្រុមហ៊ុនស្ពីតហ្វឺរឺ (ទូកធំបណ្តោយ២៦ម៉ែត្រ ទទឹង៦ម៉ែត្រ) នៅសមុទ្រម្តុំជិតកូនកោះ ស្ថិតក្នុងភូមិដេីមថ្កូវ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ ដែលយោងតាមការអះអាងបឋមថា÷ ទូកលិចដោយសារខូចម៉ូទ័របូមទឹក។

សមត្ថកិច្ចនៅក្រុងកោះរ៉ុងឲ្យដឹងដែរថា÷ ក្រោយកើតហេតុ សមត្ថកិច្ចចំរុះ ប្រជាពលរដ្ឋដែលនៅជិត និងក្រុមសង្គ្រោះស្មគ្រ័ចិត្តមានម៉ូតូទឹក ខាងអូបរ័ល្បឿនលឿន ក្នុងនោះក៍មានក្រុមការងារអូបរ័អ្នកឧកញ៉ាទៀ វិចិត្រ ផងដែរ បានចេញទៅអន្តរាគមន៍ជួយស្រង់មនុស្សនៅលើទូកទាំងអស់បានដោយសុវត្ថិភាព ប៉ុន្តែទូកបានលិចបាត់ចូលទៅក្នុងសមុទ្រ បណ្តាលឲ្យខូចខាតសម្ភារៈរួមមាន÷

១-ទូក១គ្រឿងលិចបាត់ទាំងស្រុង

២-ស៉ីម៉ងត៍២តោន

៣-ម៉ូតូScopy ១គ្រឿង

៤-សម្ភារៈជាទំនិញចំរុះជាច្រេីនមុខទៀត។

រីឯអ្នកទេសចរណ៍ជាតិ និងអន្តរជាតិ ត្រូវបានជួយស្រង់ដោយសុវត្ថិភាព រួមជាមួយអ្នករួមដំណេីរលើទូកសរុប ចំនួន១៨នាក់ ស្រី០៦នាក់ ក្នុងនោះ មានជនបរទេស ០៩នាក់ ស្រី០៥នាក់ និងជនជាតិខ្មែរ ០៩នាក់ ស្រី០១នាក់ ៕