លោក សម្បត្តិ កុសលជាស្នងការរងខេត្តបន្ទាយមានជ័យគឺជាអ្នកពាក់ព័ន្ធជាប់ជំពាក់បំណុលជាមួយស្រ្តីឈ្មោះ ចិន ស្រីដា ត្រូវបាន ACU ឃាត់ខ្លួន នាល្ងាចថ្ងៃ៨ ឧសភា។ ករណីជាប់បំណុលនេះលោក សម្បត្តិ កុសល បានប្តឹងឈ្មោះ ចិន ស្រីដាទៅតុលាការ ខេត្តសៀមរាប។
ជាមួយគ្នានេះ អយ្យការអមសាលាដំបូងខេត្តសៀមរាបកាលពីថ្ងៃ២១ មេសាបានសម្រេចផ្ទេរសំណុំរឿងរបស់ឈ្មោះ សម្បត្តិ កុសល ប្តឹងឈ្មោះ ចិន ស្រីដា និងឈ្មោះ ទី ប្រាថ្នា ពីបទប៉ុនប៉ងសូកប៉ាន់ទៅអង្គភាពប្រឆាំងអំពើពុករលួយ (ACU)ដើម្បីចាត់ការស៊ើបអង្កេតជាសមត្ថកិច្ច។
សូមបញ្ជាក់ថា៖ ឈ្មោះ ចិន ស្រីដានេះ គឺជាម្ចាស់បំណុលរបស់ឈ្មោះ រាំង ភិរម្យ ហើយរាំងភិរម្យនេះមានប្តីឈ្មោះ សម្បត្តិ កុសល ជាស្នងការរងខេត្តបន្ទាយជ័យ ។ ឈ្មោះ សម្បត្តិ កុសលបានប្តឹងឈ្មោះ ចិន ស្រីដា ទៅតុលាការពីបទគំរាមកំហែងបង្ហោះសារបរិហារកេរ្តិ៍លោក ក្នុងរឿងដែលប្រពន្ធខ្លួនបានខ្ចីបំណុល អំពីការពាក់ព័ន្ធទៅនឹងការដំឡើងបុណ្យសិក្ត័៕
