លោក ហ៊ុន ម៉ានី និងភរិយា ជួយសម្របសម្រួលព្យាបាលជំងឺត្បៀតប្រើសបេះដូងដល់ស្ដ្រីម្នាក់ នៅខេត្តកំពង់ធំ ភ្នំពេញ)៖ ស្ដ្រីម្នាក់ឈ្មោះ សុទ្ធ ស្រីមុំ អាយុ៣២ឆ្នាំ មុខរបរកសិករ រស់នៅភូមិពោធិបាក់ក ឃុំដំរីជាន់ខ្លា ក្រុងស្ទឹងសែន ខេត្តកំពង់ធំ មានជំងឺត្បៀតប្រើសបេះដូង ហើយធ្លាប់បានទទួលការវះកាត់ម្ដងរួចហើយកាលពី៦ឆ្នាំមុន ប៉ុន្តែអាការៈរោគមិនទាន់ជាសះស្បើយបានល្អឡើយ ទើបវេជ្ជបណ្ឌិតផ្នែកជំងឺបេះដូង តម្រូវឲ្យធ្វើការវះកាត់ម្ដងទៀត គ្រាដែលគាត់មិនមានលទ្ធភាពគ្រប់គ្រាន់នោះឡើយ។ ដោយមានការសម្របសម្រួលពីសំណាក់ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងលោកស្រី យឹម ឆៃលីន ប្រធានកិត្តិយសសម្ព័ន្ធគ្រូពេទ្យសហភាពសហព័ន្ធយុវជនកម្ពុជា តាមរយៈសម្ព័ន្ធគ្រូពេទ្យសហភាពសហព័ន្ធយុវជនកម្ពុជា ជាមួយមន្ទីរពេទ្យកាល់ម៉ែត ដើម្បីបានទទួលការវះកាត់ជំងឺត្បៀតប្រើសបេះដូង ដោយឥតគិតថ្លៃជូនដល់ស្ដ្រីឈ្មោះ សុទ្ធ ស្រីមុំ ឲ្យបានជាសះស្បើយឡើងវិញសារជាថ្មីម្ដងទៀត។ ក្រោយពីទទួលបានការវះកាត់ដោយជោគជ័យ ស្ដ្រីវ័យ៣២ឆ្នាំរូបនេះ បានថ្លែងអំណរគុណយ៉ាងជ្រាលជ្រៅជូនចំពោះ លោក ហ៊ុន ម៉ានី និងលោកស្រី ព្រមទាំងលោកគ្រូពេទ្យ អ្នកគ្រូពេទ្យទាំងអស់ ដែលបានជួយសម្របសម្រួល ព្រមទាំងជួយវះកាត់ និងព្យាបាលជំងឺនេះជូនគាត់ បានជាសះស្បើយរស់រានមានជីវិតសារជាថ្មីម្ដងទៀត ដើម្បីមានឱកាសបន្ដជបជុំជាកូន […]
ព័ត៌មានជាតិ
បណ្ឌិត ហ៊ុន ម៉ាណែត ៖ មានកត្តាសំខាន់៤ យ៉ាង សម្រាប់នាំបុគ្គលគ្រប់រូប និងប្រទេសជាតិទាំងមូលឆ្ពោះទៅរកភាពជោគជ័យ
បណ្ឌិត ហ៊ុន ម៉ាណែត ៖ មានកត្តាសំខាន់៤ យ៉ាង សម្រាប់នាំបុគ្គលគ្រប់រូប និងប្រទេសជាតិទាំងមូលឆ្ពោះទៅរកភាពជោគជ័យ ឯកឧត្តម បណ្ឌិត ហ៊ុន ម៉ាណែត ប្រធានគណៈកម្មាធិការអាហារូបករណ៍សិស្ស-និស្សិតក្រីក្ររបស់សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត បានបញ្ជាក់ថា មានកត្តាសំខាន់ ០៤ យ៉ាង សម្រាប់នាំបុគ្គលគ្រប់រូប និងប្រទេសជាតិទាំងមូលឆ្ពោះទៅរកភាពជោគជ័យ។ កត្តាដែលនាំបុគ្គលទទួលបានជោគជ័យ មានជាអាទិ៍៖ ទី១. សមត្ថភាព និងចំណេះដឹងពិតប្រាកដ។ ទី២. មានប្រៀបក្នុងការប្រកួតប្រជែងក្នុងបរិបទទីផ្សារសេរី។ ទី៣. ចេះចាប់ឱកាស ហើយបន្តអភិវឌ្ឍខ្លួន និងទី៤. មានភាពឯករាជ្យម្ចាស់ក្នុងការបំប្លែងគំនិតឱ្យទៅជាលទ្ធផលជាក់ស្តែង ដែលនេះស្របទៅនឹងទស្សនៈរបស់ សម្តេចតេជោ គឺ “ខ្មែរធ្វើបាន”។ ការបញ្ជាក់នេះ ក្នុងពិធីប្រគល់សញ្ញាបត្រជូននិស្សិតជ័យលាភី នៃសាកលវិទ្យាល័យបញ្ញាសាស្រ្តកម្ពុជា នៅថ្ងៃទី៤ ខែមីនា ឆ្នាំ២០២៣។
បណ្ឌិត ហ៊ុន ម៉ាណែត៖ សម្តេចតេជោ ប្រកាន់ខ្ជាប់ការកសាងអំពើបុណ្យ ដែលជាមូលដ្ឋានចម្បងសម្រេចបានការរួបរួមជាតិ
បណ្ឌិត ហ៊ុន ម៉ាណែត៖ សម្តេចតេជោ ប្រកាន់ខ្ជាប់ការកសាងអំពើបុណ្យ ដែលជាមូលដ្ឋានចម្បងសម្រេចបានការរួបរួមជាតិ ព្រះវិហារ)៖ លោកបណ្ឌិត ហ៊ុន ម៉ាណែត បានលើកឡើងថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានគណបក្សប្រជាជនកម្ពុជា តែងបានប្រកាន់ខ្ជាប់នូវការខិតខំកសាងអំពើបុណ្យជាមួយប្រជាពលរដ្ឋខ្មែរ ដោយក្តីអាណិតអាសូរ និងមិនមានការរើសអើង ដែលនេះគឺជាមូលដ្ឋានចម្បងក្នុងការសម្រេចបាននូវការផ្សះផ្សាររួបរួមជាតិខ្មែរ រហូតឈានមកដល់ការបញ្ចប់សង្រ្គាមស៊ីវិលទាំងស្រុងនៅលើទឹកដីអង្គរដ៏បវរនៃយើង។ លោកបណ្ឌិត ហ៊ុន ម៉ាណែត បានគូសបញ្ជាក់ថា អំពើជាកុសលទាំងនេះ បានផ្តល់ផលបុណ្យតបស្នងជូនដល់ សម្តេចតេជោវិញ តាមរយៈការទទួលបាននូវក្តីស្រឡាញ់ស្មោះស្ម័គ្រ និងជំនឿទុកចិត្តពីសំណាក់ប្រជាជនកម្ពុជា គ្រប់មជ្ឈដ្ឋានទាំងក្នុង និងក្រៅប្រទេស។ ការលើកឡើងបែបនេះរបស់លោកបណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ់ានី ហ៊ុនសែន ក្នុងពិធីសម្ពោធឆ្លងអគារសាលារៀន អគារសាលាវិបស្សនា និងសមិទ្ធផលនានា ក្នុងវត្តព្រះបរមរាជមហាពោធិបញ្ចសហស្សារាម (ហៅវត្តពោធិ៍ ៥.០០០ដើម) និងបញ្ចុះបឋមសិលាសាងសង់អគារចិញ្ចឹម និងថែទាំមនុស្សចាស់ជរា នៅមជ្ឈមណ្ឌលវិបស្សនាធុរៈភូមិភាគឦសាននៃកម្ពុជា ក្នុងខេត្តព្រះវិហារ […]
ឃុំកណ្ដឹង ថ្ងៃស្រុក១២កើត ខែផល្គុន ឆ្នាំខាលចត្វាស័ក ព.ស ២៥៦៦ ត្រូវនឹងថ្ងៃទី ០៣ ខែមិនា ឆ្នាំ ២០២៣។
ឃុំកណ្ដឹង ថ្ងៃស្រុក១២កើត ខែផល្គុន ឆ្នាំខាលចត្វាស័ក ព.ស ២៥៦៦ ត្រូវនឹងថ្ងៃទី ០៣ ខែមិនា ឆ្នាំ ២០២៣។ ពិធីសម្ពោធដាក់ឲ្យប្រើប្រាស់សាលាបុណ្យមួយខ្នង (សីវលីមហាថេរះ)ស្ថិតនៅភូមិឧិភាសាំង ឃុំកណ្ដឹង ស្រុកបាទី ខេត្តតាកែវ ក្រោមអធីបតីភាព លោក លី សុធីរ័ត្ន តំណាងដ៏ខ្ពង់ខ្ពស់របស់ ឯកឧត្តម ជាប សត្ថារតន៍ ប្រធានក្រុមការងារថ្នាក់ជាតិចុះជួយមូលដ្ឋានឃុំកណ្ដឹង។ លោក ភួន ឈឹម អភិបាលនៃគណៈអភិបាលស្រុកបាទី លោក ស្រី សំបូរ មេឃុំកណ្ដឹង សមាជិកក្រុមប្រឹក្សាឃុំ មេភូមិទាំង៨ភូមិ និងប្រជាពលរដ្ឋជាច្រើននាក់ទៀត។
បងប្រុសតារាចម្រៀង មាស សុខសោភា ចេញមុខបញ្ជាក់ហេតុផលចំពោះការរិះគន់រឿងស្លៀកពាក់សិចស៊ី
បងប្រុសតារាចម្រៀង មាស សុខសោភា ចេញមុខបញ្ជាក់ហេតុផលចំពោះការរិះគន់រឿងស្លៀកពាក់សិចស៊ី រាជធានីភ្នំពេញ ៖ ប៉ុន្មានថ្ងៃនេះ មហាជនមួយចំនួនបាននាំគ្នារិះគន់យ៉ាងចាស់ដៃទៅលើការស្លៀកពាក់យ៉ាងសិចស៊ីពីតារាចម្រៀងនាង មាស សុខសោភា នៅក្នុងកម្មវិធីដែលនាងរៀបចំសម្ពោធផលិតផលគ្រឿងសម្អាងដែលជាម៉ាកផ្ទាល់ខ្លួនរបស់នាងកាលពីពេលថ្មីៗនេះ។ មហាជនមួយចំនួនតូចបានចូលទៅរិះគន់ចំៗ ដោយសារឃើញតារារូបនេះស្លៀក.ស វាលខ្នងស្ទើរតែបញ្ចេញរាងកាយទាំងមូលមកក្រៅ ដែលពួកគេចាត់ទុកថា ជាការមិនសមរម្យក្នុងនាមនាងជាតារាគំរូ និងល្បីល្បាញមួយរូប។ យ៉ាងណាទន្ទឹមនឹងការរិះគន់នេះ បងប្រុសរបស់តារារូបនេះ គឺលោក មាស សុខរតនះ បានចេញមុខបញ្ជាក់ដោយលោកចាត់ទុកការរិះគន់នេះហាក់មិនសមហេតុផល ត្បិតការស្លៀកពាក់របស់ មាស សុខសោភា នាអំឡុងពេលនោះ គឺមិនជាការសិចស៊ូខ្លាំងហួសហេតុនោះឡើយ។ លោក មាស សុខរតនះ បានអះអាងប្រាប់កោះសន្តិភាពតាមសារអេឡិចត្រូនិចថា តាមការយល់ឃើញរបស់លោកចំពោះការស្លៀកពាក់របស់ប្អូនស្រីលោកនាពេលនោះ គឺហាក់មិនសិចស៊ីអ្វីខ្លាំងនោះទេ ប៉ុន្តែសម្រាប់ការមើលឃើញពីមហាជនមួយចំនួនតាមរយៈប្រភពផ្សព្វផ្សាយនានាឃើញសិចស៊ីនោះ លោកក៏មិនបានដឹងដែរ។ លោកបញ្ជាក់ថា លោកមិនអាចហាមឃាត់ការគិត និងការនិយាយពីមហាជនមួយចំនួនតូចដែលបានរិះគន់នេះឡើយ ដោយលោកយល់ថា ប្រសិនបើយើងគិតតែរឿងអវិជ្ជមាននោះរូបភាពចេញមក គឺនៅតែអវិជ្ជមាន នោះជាការគិតរបស់មនុស្សម្នាក់ៗ។ លោកបន្ថែមថា សម្លៀកបំពាក់ដែល មាស សុខសោភា បានស្លៀកនោះក៏ជាការរៀបចំពីលោកផងដែរ ហើយលោកយល់ថា វាសមរម្យទទួលយកបាន […]
ស្ថាប័ន:អយ្យការអមសាលាដំបូងរាជធានីភ្នំពេញ ចេញសេចក្តីប្រកាស៖ តុលាការផន្ទាទោស កឹម សុខា ចំនួន២៧ឆ្នាំ ព្រមទាំងដកហូត សិទ្ធិឈរឈ្មោះឲ្យគេបោះឆ្នោត និងដកហូតសិទ្ធិធ្វើនយោបាយ ប៉ុន្តែអនុញ្ញាតឲ្យនៅផ្ទះ មិនឲ្យទាក់ទងមនុស្សគ្រប់រូប លើកលែងតែក្រុមគ្រួសារ
ស្ថាប័ន:អយ្យការអមសាលាដំបូងរាជធានីភ្នំពេញ ចេញសេចក្តីប្រកាស៖ តុលាការផន្ទាទោស កឹម សុខា ចំនួន២៧ឆ្នាំ ព្រមទាំងដកហូត សិទ្ធិឈរឈ្មោះឲ្យគេបោះឆ្នោត និងដកហូតសិទ្ធិធ្វើនយោបាយ ប៉ុន្តែអនុញ្ញាតឲ្យនៅផ្ទះ មិនឲ្យទាក់ទងមនុស្សគ្រប់រូប លើកលែងតែក្រុមគ្រួសារ រាជធានីភ្នំពេញ៖ អយ្យការសាលាដំបូងរាជធានីភ្នំពេញ នៅថ្ងៃទី០៣ ខែមីនា ឆ្នាំ២០២៣ បានចេញសេចក្តីប្រកាសអំពីសាលក្រមផ្តន្ទាទោស លោក កឹម សុខា អតីតប្រធាននៃអតីតគណបក្សសង្គ្រោះជាតិ ចំនួន២៧ឆ្នាំ ក្នុងសំណុំរឿង «សន្ទិដ្ឋភាពជាមួយបរទេស» ព្រមទាំងដកជាស្ថាពរនូវ សិទ្ធិបោះឆ្នោត សិទ្ធិឈរឈ្មោះឲ្យគេបោះឆ្នោត និងសិទ្ធិធ្វើសកម្មភាពនយោបាយផ្សេងទៀត តាមបញ្ញាត្តិមាត្រា៤៥០ នៃក្រមព្រហ្មទណ្ឌ។ ក្រៅពីនោះតុលាការបានដាក់ជនជាប់ចោទឲ្យស្ថិតក្រោមវិធានការត្រួតពិនិត្យតាមផ្លូវការ មិនត្រូវចាកចេញពីបរិវេណនៃលំនៅឋាន, មិនត្រូវឲ្យជួបបុគ្គលណាម្នាក់ ទាំងសញ្ជាតិខ្មែរ និងបរទេស លើកលែងតែក្រុមគ្រួសារ។ យោងតាមសេចក្តីប្រកាសព័ត៌មាន បានគូសបញ្ជាក់ថា ក្រោយពីបានធ្វើសវនាការពិភាក្សាដេញដោលចំនួន ៦៦លើក ចាប់ពីថ្ងៃទី១៥ ខែមករា ឆ្នាំ២០២០ រហូតដល់ថ្ងៃទី២១ ខែធ្នូ ឆ្នាំ២០២២ ក្រុមប្រឹក្សាជំនុំជម្រះនៃសាលាដំបូងរាជធានីភ្នំពេញ បានប្រកាសសាលក្រមព្រហ្មទណ្ឌនៅថ្ងៃទី៣ ខែមីនា ឆ្នាំ២០២៣ ដោយបានសម្រេចសេចក្តីដូចខាងក្រោម៖ […]
សម្រង់ប្រសាសន៍សំខាន់ៗរបស់ ឯកឧត្តម បណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ក្នុងពិធីសម្ពោធឆ្លងអគារសាលារៀន អគារសាលាវិបស្សនា និងសមិទ្ធផលនានា ក្នុងវត្តព្រះបរមរាជមហាពោធិបញ្ចសហស្សារាម (ហៅវត្តពោធិ៍ ៥.០០០ ដើម) និងបញ្ចុះបឋមសិលាសាងសង់អគារចិញ្ចឹម និងថែទាំមនុស្សចាស់ជរា នៅមជ្ឈមណ្ឌលវិបស្សនាធុរៈភូមិភាគឦសាននៃកម្ពុជា (ខេត្តព្រះវិហារ, ថ្ងៃទី០៣ ខែមីនា ឆ្នាំ២០២៣)៖
សម្រង់ប្រសាសន៍សំខាន់ៗរបស់ ឯកឧត្តម បណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ក្នុងពិធីសម្ពោធឆ្លងអគារសាលារៀន អគារសាលាវិបស្សនា និងសមិទ្ធផលនានា ក្នុងវត្តព្រះបរមរាជមហាពោធិបញ្ចសហស្សារាម (ហៅវត្តពោធិ៍ ៥.០០០ ដើម) និងបញ្ចុះបឋមសិលាសាងសង់អគារចិញ្ចឹម និងថែទាំមនុស្សចាស់ជរា នៅមជ្ឈមណ្ឌលវិបស្សនាធុរៈភូមិភាគឦសាននៃកម្ពុជា (ខេត្តព្រះវិហារ, ថ្ងៃទី០៣ ខែមីនា ឆ្នាំ២០២៣)៖ ១. សូមចូលរួមអបអរសាទរចំពោះសមិទ្ធផលជាច្រើនដែលកើតមាននៅក្នុងទីអារាមទើបមានអាយុកាលប្រមាណជាង ០៦ ឆ្នាំ មួយនេះ និងសូមកោតសរសើរចំពោះចក្ខុវិស័យវែងឆ្ងាយរបស់ព្រះចៅអធិការវត្ត ដែលបានផ្តួចផ្តើមប្រកបដោយភាពច្នៃប្រឌិត ក្នុងការកសាងសមិទ្ធផលទាំងអស់នេះឱុ្យចេញជារូបរាងទ្បើង ដោយមានការចូលរួមពីសប្បុរសជនជិតឆ្ងាយ ដើម្បីជាប្រយោជន៍ដល់ពុទ្ធបរិស័ទគ្រប់រូប ជាពិសេសប្រជាពលរដ្ឋនៅក្នុងមូលដ្ឋាននេះ។ វឌ្ឍនភាពនេះ ក៏មិនអាចកាត់ផ្តាច់បានឡើងពីបរិយាកាសគ្របដណ្តប់នៃកត្តាសុខសន្តិភាពពេញលេញនៅទូទាំងប្រទេស ដែលជាបច្ច័យដ៏មានតម្លៃមហាសាលនាំឱ្យមានអ្វីៗគ្រប់យ៉ាងដូចថ្ងៃនេះ។ ២. គ្រប់សាសនាទាំងអស់បានអប់រំមនុស្សឱ្យប្រកាន់ខ្ជាប់នូវការប្រព្រឹត្តអំពើបុណ្យ និងកិរិយាមាយាទប្រកបដោយសីលធម៌ និងគុណធម៌ ដែលរួមចំណែកដល់ការធានានូវភាពសុខដុមរមនា ការយល់យោគអត់ឱនអធ្យាស្រ័យ និងសុចរិតធម៌ក្នុងសង្គម។ ជាមួយនឹងជំនឿយ៉ាងមុតមាំនេះ សម្តេចតេជោ តែងបានប្រកាន់ខ្ជាប់នូវការខិតខំកសាងអំពើបុណ្យជាមួយប្រជាពលរដ្ឋខ្មែរដោយក្តីអាណិតអាសូរ និងមិនមានការរើសអើង ដែលនេះគឺជាមូលដ្ឋានចម្បងក្នុងការសម្រេចបាននូវការផ្សះផ្សាររួបរួមជាតិខ្មែរ រហូតឈានមកដល់ការបញ្ចប់សង្រ្គាមស៊ីវិលទាំងស្រុងនៅលើទឹកដីអង្គរដ៏បវរនៃយើង។ អំពើជាកុសលទាំងនេះ បានផ្តល់ផលបុណ្យតបស្នងជូនដល់ សម្តេចតេជោវិញ តាមរយៈការទទួលបាននូវក្តីស្រឡាញ់ស្មោះស្ម័គ្រ […]
កាយផ្លូវទូកចេញ-ចូលឡើងវិញ ក្រោយម្ចាស់រមណីយដ្ឋាន២កន្លែងបិទជាយូរឆ្នាំមកហើយ
កាយផ្លូវទូកចេញ-ចូលឡើងវិញ ក្រោយម្ចាស់រមណីយដ្ឋាន២កន្លែងបិទជាយូរឆ្នាំមកហើយ ខេត្តកំពត ៖ អាជ្ញាធរខេត្តកំពត មានលោកសេង សិរីបុត្រ អភិបាលរង, លោកង៉ាន់ ថារិទ្ធ អភិបាលរងខេត្ត និងមន្ត្រីរៀបចំដែនដី រួមទាំងមន្ត្រីសាលាក្រុងបូកគោ កាលពីព្រឹកថ្ងៃទី២៨ ខែកុម្ភៈ បានយកគ្រឿងចក្រវាយរបងបេតុងនិងកាយផ្លូវទូក សម្រាប់ចេញ-ចូលរបស់ប្រជាអ្នកនេសាទនៅភូមិព្រែកអំពិលសង្កាត់កោះតូច ក្រុងបូកគោ ។ បន្ទាប់ពីម្ចាស់រមណីយដ្ឋាន«ណាតាយ៉ា»និងម្ចាស់មួយកន្លែងទៀត នៅជាប់មាត់សមុទ្រ បានចាក់ដីលុបមិនឱ្យទូកចេញ-ចូលបាន និងបិទប្រជានេសាទមិនអោយដើរឆ្លងកាត់បាន។ អ្នកនេសាទម្នាក់ឈ្មោះទូច សុធា ភេទប្រុសអាយុ៣៤ឆ្នាំ នៅភូមិព្រែកអំពិល ក្រុងបូកគោនិយាយថា ការបិទផ្លូវដើរនិងមិនចាក់ដីលុបផ្លូវទូកមិនអាចឡើងពីសមុទ្រមកទុកចតនៅលើនេះបាន គឺកើតមានជាយូរឆ្នាំមកហើយ រវាងម្ចាស់រឺហ្សតណាតាយ៉ា និងប្រជាអ្នកនេសាទចំនួន៥២គ្រួសារ អ្នកនេសាទទូចសុធានិយាយថា ដោយសារមិនមានដំណោះស្រាយ អ្នកនេសាទភូមិព្រែកអំពិលបានលើកគ្នាទៅស្កាត់ជួបឯកឧត្តមអភិបាលខេត្តកំពតតែម្ដង ប៉ុន្តែពេលអ្នកនេសាទស្វែងរកឯកឧត្តមអភិបាលកំពតឱ្យជួយអន្តរាគមន៍គឺមិនបានជួបឯកឧត្តមអភិបាលខេត្តទេ ជួបតែលោកអភិបាលរង។ លោកង៉ាន់ ថារិទ្ធ អភិបាលរងខេត្តកំពតបានប្រាប់អ្នកនេសាទថា ទោះជាមានការយឺតពេលបន្តិចក៏មិនអីដែរ ចំពោះការទាមទារបស់បងប្អូនប្រជានេសាទ ឱ្យមានការបើកផ្លូវនិងកាយផ្លូវទូក សម្រាប់ចេញ-ចូលពីសមុទ្រអោយភាពដូចដើមវិញ ។ លោកអភិបាលរងខេត្តមានប្រសាសន៍ទៀតថា នេះជាការយកចិត្តទុកដាក់ពីអាជ្ញាធរខេត្តបានយកគ្រឿងចក្រកាយផ្លូវដើរ និងផ្លូវទូករបស់អ្នកនេសាទពីសមុទ្រមកដល់ដៃព្រែកខាងលើ ជាកន្លែងដាក់ទូករបស់បងប្អូនអ្នកនេសាទ។ដែលមានចម្ងាយជាប់200ម៉ែត្រ។ អ្នកនេសាទមានការសារទរយ៉ាងខ្លាំង ចំពោះចំណាត់ការអាជ្ញាធរខេត្តកំពតបានចុះអន្តរាគមន៍បើកផ្លូវដើរ […]
មិនធម្មតា! កក្កដា សោភ័ណ្ឌ ចាយលុយខ្ទង់ម៉ឺនដុល្លារកែដងខ្លួនឱ្យដូចមនុស្សស្រីពិតប្រាកដ
រាជធានីភ្នំពេញ ៖ នៅពេលដែលនិយាយអំពី កក្កដា សោភ័ណ្ឌ ប្រាកដជាបងប្អូនប្រិយមានអ្នកគាំទ្របានស្គាល់ហើយ បវកញ្ញាអ្នកស្រឡាញ់ភេទដូចគ្នារូបនេះ ហាក់កំពុងទទួលបានការគាំទ្រជាខ្លាំង អំឡុងពេលប្រឡងប្រជែងកម្មវិធីបវរកញ្ញានៅក្នុងស្រុកមួយ ដោយនាពេលបច្ចុប្បន្នកំពុងតែមមាញឹកជាមួយនឹងការប្រកួតប្រជែងនោះ។ កាលពីពេលថ្មីៗនេះ មានមហាជនជាច្រើនចាប់អារម្មណ៍ទៅបវកញ្ញាអ្នកស្រឡាញ់ភេទដូចគ្នា កក្កដា សោភ័ណ្ឌ ដែលបានបង្ហោះរូបភាពរបស់ខ្លួនជាច្រើនសន្លឹកទាក់ទងជាមួយការកែដងខ្លួន និងដើមទ្រូង ខណៈពេលដែលរូបនាងកំពុងប្រឡងបវរកញ្ញា និងកំពុងទទួលបានភាពល្បីល្បាញ។ ប្រាកដណាស់ ទន្ទឹមការប្រឡងប្រជែង មានមហាជនជាច្រើនបានចោទសួរថា ហេតុអ្វីបានជានាងបានទៅកែរូបរាងទាំងដែលខ្លួនកំពុងប្រកួតអញ្ជឹងថា តើវាពិតឬទេ0x017d7 តើកត្តាអ្វីខ្លះដែលបានបណ្តាលចិត្តអោយនាងកែដងខ្លួនយ៉ាងបង្ខំបែបនេះ0x017d7 តាមរយៈបទសម្ភាសន៍ជាមួយសារព័ត៌មាននឹងធ្វើការសាកសួរអោយបងប្អូនបានជ្រាប ដោយ កក្កដា សោភ័ណ្ឌ បាននិយាយយ៉ាងច្បាស់ៗថា កាលពីប៉ុន្មានថ្ងៃមុន នាងពិតបានទៅកែដងខ្លួនដោយពិតប្រាកដមែន ហើយការកែនេះក៏បានចាយលុយច្រើនដែរ ដោយគិតត្រួសៗទៅចាយលុយខ្ទង់ ១១០០០ដុល្លារ។ ហើយដើម្បីកែដើមទ្រូងអោយដូចជាមនុស្សស្រីបាន ធ្វើការចាយវា.យប្រមាណជា ៦០០០ដុល្លារ និងសម្រកដើមដៃ ក្បាលពោះ ដោយចំណាយលុយបន្ថែម ៥០០០ដុល្លារទៀត ដូច្នេះគិតសរុបទៅ ១១០០០ដុល្លាអាមេរិក ដែលបានធ្វើការវះកាត់ដោយក្រុមគ្រូពេទ្យដែលជំនាញ បានអញ្ជើញមកពីក្រៅប្រទេស។ កក្កដា សោភ័ណ្ឌ បានពោលបន្តថា ខ្លួនចង់ចេញទៅខាងក្រៅដែរ ប៉ុន្តែបើចេញទៅខាងក្រៅប្រទេសដើម្បីធ្វើការកែនោះ គឺមិនទាន់នោះទេ […]
ដំណើររឿងចាប់រំលោ.ភគួរឱ្យចង់ដឹងអាន… ស្ត្រីម្នាក់កំពុងចោទប្រកាន់ ប្រុសកំពុងប្រកែក
ដំណើររឿងចាប់រំលោ.ភគួរឱ្យចង់ដឹងអាន… ស្ត្រីម្នាក់កំពុងចោទប្រកាន់ ប្រុសកំពុងប្រកែក រាជធានីភ្នំពេញ ៖ ស្ត្រីម្នាក់បានស្រែកដង្ហើយហៅរកយុត្តិធម៌ ដោយគាត់បានអះអាងថា រូបគាត់ត្រូវបានបុរសជាជាងដែកម្នាក់ចាប់រំលោ.ភសេពសន្ថវៈចំនួន៣លើកជាបន្តបន្ទាប់ ហើយប៉ុនប៉ងសម្លា.ប់ចោលទៀត។ បច្ចុប្បន្ន សំណុំរឿងនេះកំពុងស្ថិតនៅក្នុងកណ្ដាប់ដៃសាលាដំបូងខេត្តត្បូងឃ្មុំ ហើយជាច្រើនខែកន្លងមកហើយ តុលាការបានផ្អឹបសំណុំរឿងនេះចោល ពុំចាត់ការជូនគាត់ឡើយ។ ទើបគាត់អស់សង្ឃឹម ហើយបានទទូចសុំក្ដីសណ្ដោសប្រណីពីក្រសួងកិច្ចការនារី ជាពិសេសបំផុតនោះ សុំក្ដីមេត្តាពីសម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តព្រឹទ្ធបណ្ឌិត ប៊ុន រ៉ានី ហ៊ុន សែន មេត្តាជួយរកយុត្តធម៌ជូនរូបគាត់ផង។ ហើយកាលពីវេលារសៀលថ្ងៃទី២៧ ខែកុម្ភៈ ឆ្នាំ២០២៣ ជនរងគ្រោះរួមនឹងប្ដីរបស់គាត់បានធ្វើដំណើរទៅកាន់រាជធានីភ្នំពេញ ហើយបានទៅដល់សាលាសង្កាត់ចោមចៅទី៣ ខណ្ឌពោធិ៍សែនជ័យ ស្វែងរកជួបក្រុមអ្នកសារព័ត៌មាន ដើម្បីឲ្យជួយផ្សព្វផ្សាយនូវរឿងដែលជនសង្ស័យបំពានមកលើរូបគាត់ ខណៈពេលដែលសំណុំរឿងមួយនេះ កំពុងត្រូវបានលាក់បាំងជិតស្ងាត់ឈឹង ដើម្បីជូនដល់សម្ដេចទាំងទ្វេជ្រាប និងជួយរកយុត្តធម៌ជូនគាត់។ ស្ត្រីខាងលើនេះ បាននិយាយថា ពេលនេះគាត់បានសម្លឹងឃើញយុត្តិធម៌សម្រាប់រូបគាត់ កំពុងតែស្ថិតនៅឆ្ងាយសែនឆ្ងាយបំផុត បើគ្មានសម្ដេចទាំងទ្វេ ព្រមទាំងក្រសួងកិច្ចការនារីជួយទេនោះ ពន្លឺយុត្តិធម៌សម្រាប់រូបគាត់ ប្រាកដជាគ្មានជារៀងរហូត។ គាត់បន្តថា តុលាការជឿតែទៅលើការបកស្រាយរបស់ជនល្មើស តែបោះចោលនូវអ្វីដែលជាពិតដែលបានកើតឡើងទាំងអាម៉ាស់មកលើរូបគាត់។ ដោយឡែកលោក ឡុង ហុកម៉េង […]