រាជធានីភ្នំពេញ ៖ នៅពេលដែលនិយាយអំពី កក្កដា សោភ័ណ្ឌ ប្រាកដជាបងប្អូនប្រិយមានអ្នកគាំទ្របានស្គាល់ហើយ បវកញ្ញាអ្នកស្រឡាញ់ភេទដូចគ្នារូបនេះ ហាក់កំពុងទទួលបានការគាំទ្រជាខ្លាំង អំឡុងពេលប្រឡងប្រជែងកម្មវិធីបវរកញ្ញានៅក្នុងស្រុកមួយ ដោយនាពេលបច្ចុប្បន្នកំពុងតែមមាញឹកជាមួយនឹងការប្រកួតប្រជែងនោះ។
កាលពីពេលថ្មីៗនេះ មានមហាជនជាច្រើនចាប់អារម្មណ៍ទៅបវកញ្ញាអ្នកស្រឡាញ់ភេទដូចគ្នា កក្កដា សោភ័ណ្ឌ ដែលបានបង្ហោះរូបភាពរបស់ខ្លួនជាច្រើនសន្លឹកទាក់ទងជាមួយការកែដងខ្លួន និងដើមទ្រូង ខណៈពេលដែលរូបនាងកំពុងប្រឡងបវរកញ្ញា និងកំពុងទទួលបានភាពល្បីល្បាញ។
ប្រាកដណាស់ ទន្ទឹមការប្រឡងប្រជែង មានមហាជនជាច្រើនបានចោទសួរថា ហេតុអ្វីបានជានាងបានទៅកែរូបរាងទាំងដែលខ្លួនកំពុងប្រកួតអញ្ជឹងថា តើវាពិតឬទេ0x017d7 តើកត្តាអ្វីខ្លះដែលបានបណ្តាលចិត្តអោយនាងកែដងខ្លួនយ៉ាងបង្ខំបែបនេះ0x017d7
តាមរយៈបទសម្ភាសន៍ជាមួយសារព័ត៌មាននឹងធ្វើការសាកសួរអោយបងប្អូនបានជ្រាប ដោយ កក្កដា សោភ័ណ្ឌ បាននិយាយយ៉ាងច្បាស់ៗថា កាលពីប៉ុន្មានថ្ងៃមុន នាងពិតបានទៅកែដងខ្លួនដោយពិតប្រាកដមែន ហើយការកែនេះក៏បានចាយលុយច្រើនដែរ ដោយគិតត្រួសៗទៅចាយលុយខ្ទង់ ១១០០០ដុល្លារ។ ហើយដើម្បីកែដើមទ្រូងអោយដូចជាមនុស្សស្រីបាន ធ្វើការចាយវា.យប្រមាណជា ៦០០០ដុល្លារ និងសម្រកដើមដៃ ក្បាលពោះ ដោយចំណាយលុយបន្ថែម ៥០០០ដុល្លារទៀត ដូច្នេះគិតសរុបទៅ ១១០០០ដុល្លាអាមេរិក ដែលបានធ្វើការវះកាត់ដោយក្រុមគ្រូពេទ្យដែលជំនាញ បានអញ្ជើញមកពីក្រៅប្រទេស។
កក្កដា សោភ័ណ្ឌ បានពោលបន្តថា ខ្លួនចង់ចេញទៅខាងក្រៅដែរ ប៉ុន្តែបើចេញទៅខាងក្រៅប្រទេសដើម្បីធ្វើការកែនោះ គឺមិនទាន់នោះទេ ព្រោះថ្ងៃទី៨ នាខែនេះ មានការប្រកួតបវរកញ្ញាដើម្បីឈានដល់វគ្គបន្ត ម្ល៉ោះហើយទើបកែក្នុងស្រុកតែម្តង។ ហើយម្យ៉ាងវិញទៀត នាពេលបច្ចុប្បន្នប្រទេសយើងក៏មានការអភិវឌ្ឍរីកចម្រើនផ្នែកនេះ ដូច្នេះការកែក្នុងក៏ជារឿងមួយដ៏ល្អ។
តារាអ្នកស្រឡាញ់ភេទដូចគ្នា កក្កដា សោភ័ណ្ឌ បានបន្ថែមថា មូលហេតុដែលធ្វើការកែទាំងដែលខ្លួនកំពុងប្រឡងបែបនេះ គឺដោយសារមានគេរិះគន់ច្រើនពេកថា ខ្លួនមិនដូចស្រី ទើបតារារូបនេះបានបញ្ចប់ដងខ្លួនដែលជាមនុស្សប្រុសត្រឹមនេះ នឹងមានរូបរាងដូចជាមនុស្សស្រីចាប់ពីពេលនេះតទៅ។
ក្រោយការកែដើមទ្រូង សម្រកក្បាលពោះរួច កក្កដា សោភ័ណ្ឌ ក៏បានបង្ហើបថា ពេលដែលបានវះកាត់បាន១ថ្ងៃពិតជាពិបាក តែក្រោយបាន៣ ហាក់ដូចជាកាន់តែប្រសើរឡើងពីមួយថ្ងៃទៅមួយថ្ងៃ។
ទាក់ទងជាមួយការកែដងខ្លួនក្តី ឬការកែសម្រស់ក្តី តារារូបនេះបាននិយាយថា ត្រូវធ្វើអ្វីដែលខ្លួនឯងពេញចិត្ត ចង់កែអ្វីកែទៅ សំខាន់ត្រូវជ្រើសរើសគ្រូពេទ្យដែលជំនាញទើបពុំមានបញ្ហាទៅថ្ងៃក្រោយ។
បើទាក់ទងជាមួយដៃគូជីវិតវិញ នាងក៏បានទម្លាយថា នាពេលនេះ ខ្លួនពុំមានដៃគូរណាម្នាក់ច្បាស់លាស់នៅឡើយទេ ពោលគឺមានការមមាញឹកជាខ្លាំងជាមួយការងារសិល្បៈ និងការរកស៊ីជាដើម។
ជាចុងក្រោយតារារូបនេះ អគុណសម្រាប់ការគាំទ្រនាពេលកន្លងមក ហើយក៏អគុណដល់មនុស្សជុំវិញដែលតែងតែលើទឹកចិត្តផ្តល់កម្លាំងចិត្ត លើសពីបវកញ្ញាអ្នកស្រឡាញ់ភេទដូចគ្នា រូបនេះ ក៏ជូនពរអោយហេ្វនៗជួបប្រទះអ្វីដែលល្អក្នុងឆាកជីវិតផងដែរ៕
