ព័ត៌មានជាតិ

គណៈមេធាវីកម្ពុជា ដាក់ពាក្យប្ដឹងលោក ដេវិដ ឆាយណាយវ៉ា ទៅកាន់អយ្យការអមសាលាដំបូងរាជធានីភ្នំពេញ

Posted on Author crt Comment(0)

គណៈមេធាវីកម្ពុជា ដាក់ពាក្យប្ដឹងលោក ដេវិដ ឆាយណាយវ៉ា ទៅកាន់អយ្យការអមសាលាដំបូងរាជធានីភ្នំពេញ

 

(ភ្នំពេញ)៖ គណៈមេធាវី បានសម្រេចដាក់ពាក្យប្ដឹងបុគ្គលឈ្មោះ ដេវិដ ឆាយណាយវ៉ា ទៅកាន់អយ្យការអមសាលាដំបូងរាជធានីភ្នំពេញ ដែលបានប្រព្រឹត្តអំពើក្លែងឋានៈជាមេធាវី ផ្ដល់យោបល់ផ្នែកច្បាប់ ក្នុងនាមជាមេធាវី និងជេរប្រមាថជាសាធារណៈមកលើគណៈមេធាវី។

 

នៅក្នុងសេចក្ដីប្រកាសព័ត៌មានរបស់គណៈមេធាវី បានឲ្យដឹងថា ក្នុងខែឧសភា ឆ្នាំ២០២១ ឈ្មោះ ដេវិដ ឆាណាយវ៉ា ប្រើប្រាស់គណនីហ្វេសប៊ុកឈ្មោះ កូន មានវាសនា បានអះអាងថាខ្លួនជាមេធាវី ទាក់ទងនឹងការបកស្រាយរឿងក្តីមួយ។ ពេលនោះគណៈមេធាវីបានចេញសេចក្តីប្រកាសព័ត៌មានបដិសេធថា ឈ្មោះ ដេវិដ ឆាណាយវ៉ា មិនមែនជាមេធាវី។

 

នៅថ្ងៃទី២១ ខែឧសភា ឆ្នាំ២០២១ គណៈមេធាវីទទួលបានលិខិតបំភ្លឺពីឈ្មោះ ដេវិដ ឆាណាយវ៉ា ដោយបានចេញមុខសុំទោសជាសាធារណៈ និងសុំអំពាវនាវដល់សាធារណជនកុំឲ្យ មានការយល់ច្រឡំតទៅទៀត ពីព្រោះខ្លួនមិនមានឈ្មោះជាមេធាវីនៅគណៈមេធាវីនៃព្រះរាជាណាចក្រកម្ពុជាទេ។

 

នៅថ្ងៃទី១៨ ខែមីនា ឆ្នាំ២០២៣ ឈ្មោះ ដេវិដ ឆាណាយវ៉ា បានប្រើគណនីហ្វេសប៊ុក (Facebook) ឈ្មោះ David S. chanaiwa បង្ហោះលិខិតមួយច្បាប់ដែលនៅក្នុងលិខិតនោះ ឈ្មោះ ដេវិដ ឆាណាយវ៉ា បានបន្តប្រើឋានៈជាមេធាវី និងបានលើកឡើងថា ខ្លួនបានប្រឹក្សាយោបល់ផ្នែកច្បាប់ដល់ភាគីវិវាទពាក់ព័ន្ធនឹងវិវាទដីធ្លី។ ដោយមើលឃើញថា ឈ្មោះ ដេវិដ ឆាណាយវ៉ា នៅតែបន្តប្រើឋានៈជាមេធាវី និងបានផ្តល់ការប្រឹក្សាយោបល់ផ្នែកច្បាប់ ក្នុងនាមជាមេធាវីនៅពេលដែលខ្លួនពុំមែនជាមេធាវី។

 

គណៈមេធាវីបានចេញសេចក្តីប្រកាសព័ត៌មានដោយទាមទារឲ្យឈ្មោះ ដេវិដ ឆាណាយវា បញ្ឈប់សកម្មភាពដែលនាំឲ្យមានការភាន់ច្រឡំថា ខ្លួនជាមេធាវីដែលមានសិទ្ធិប្រកបវិជ្ជាជីវៈ តែឈ្មោះ ដេវិដ ឆាណាយរ៉ា មិនត្រឹមតែមិនបញ្ឈប់សកម្មភាពខុសច្បាប់របស់ខ្លួនទេ បែរជាឈ្មោះ ដេវិដ ឆាណាយវ៉ា បានទាមទារឲ្យគណៈមេធាវីកែតម្រូវសេចក្តីប្រកាសព័ត៌មាន និងបានបង្ហោះវីដេអូក្នុងហ្វេសប៊ុក (Facebook) ឈ្មោះ David S. chanaiwa ដោយធ្វើការប្រមាថមកលើស្ថាប័នគណៈមេធាវីថែមទៀត៕

crt

Related Articles
ព័ត៌មានជាតិ

អាម៉េរិក​​ថា ​ការ​បែកធ្លាយ​ឯកសារសម្ងាត់​បង្ក​ហានិភ័យ​សន្តិសុខ​យ៉ាង​ធ្ងន់ធ្ងរ

Posted on Author crt

អាម៉េរិក​​ថា ​ការ​បែកធ្លាយ​ឯកសារសម្ងាត់​បង្ក​ហានិភ័យ​សន្តិសុខ​យ៉ាង​ធ្ងន់ធ្ងរ   មន្ទីរបញ្ចកោណ បានលើកឡើងនៅថ្ងៃចន្ទទី ១០ ខែមេសាថា ការបែកធ្លាយឯកសារដ៏រសើបខ្លាំងរបស់សហរដ្ឋអាម៉េរិក ដែលភាគច្រើនទាក់ទងនឹងជម្លោះអ៊ុយក្រែន បង្ហាញពីហានិភ័យធ្ងន់ធ្ងរដល់សន្តិសុខជាតិរបស់សហរដ្ឋអាម៉េរិក។   បញ្ហានេះកំពុងត្រូវបានស៊ើបអង្កេតដោយក្រសួងយុត្តិធម៌ ហើយហាក់ដូចជារួមបញ្ចូលព័ត៌មានសម្ងាត់អំពីសង្គ្រាមនៅក្នុងប្រទេសអ៊ុយក្រែន ក៏ដូចជាការវិភាគដ៏រសើបនៃសម្ព័ន្ធមិត្តរបស់សហរដ្ឋអាម៉េរិក ដែលមន្ត្រីអាម៉េរិកកំពុងស្វែងរកការធានាសម្រាប់ទំនុកចិត្តឡើងវិញ។   រូបថតជាច្រើនសន្លឹកនៃឯកសារជាច្រើនត្រូវបានគេរកឃើញនៅលើបណ្តាញសង្គមធ្វីតធ័រ,តេឡេក្រាម, Discord និងគេហទំព័រផ្សេងទៀតក្នុងរយៈពេលប៉ុន្មានថ្ងៃចុងក្រោយនេះ ទោះបីជាឯកសារមួយចំនួនអាចផ្សព្វផ្សាយតាមអ៊ីនធឺណិតជាច្រើនសប្តាហ៍ឬប្រហែលជារាប់ខែ មុនពេលវាចាប់ផ្តើមទទួលបានការចាប់អារម្មណ៍ពីប្រព័ន្ធផ្សព្វផ្សាយកាលពីសប្តាហ៍មុន។   លោក Chris Meagher ជំនួយការលេខាធិការការពារជាតិទទួលបន្ទុកកិច្ចការសាធារណៈ បាននិយាយថា ឯកសារដែលផ្សព្វផ្សាយតាមអ៊ីនធឺណិតបង្កហានិភ័យយ៉ាងធ្ងន់ធ្ងរដល់សន្តិសុខជាតិ និងមានសក្តានុពលក្នុងការផ្សព្វផ្សាយព័ត៌មានមិនពិត។ លោក Meagher បានប្រាប់អ្នកកាសែតថា៖«យើងនៅតែស៊ើបអង្កេតថាតើរឿងនេះកើតឡើងយ៉ាងដូចម្តេច ក៏ដូចជាវិសាលភាពនៃបញ្ហានេះ។ មានជំហានដើម្បីពិនិត្យមើលឱ្យកាន់តែច្បាស់អំពីរបៀបដែលព័ត៌មានប្រភេទនេះត្រូវបានចែកចាយ និងទៅអ្នកណា»។   ឯកសារជាច្រើនលែងមាននៅលើគេហទំព័រដែលពួកវាបានបង្ហាញខ្លួនជាលើកដំបូងហើយ សហរដ្ឋអាម៉េរិកត្រូវបានគេរាយការណ៍ថាកំពុងបន្តធ្វើការដើម្បីលុបវាចេញ។ លោក Meagher បានឱ្យដឹងថា រដ្ឋមន្ត្រីការពារជាតិអាម៉េរិក លោក Lloyd Austin មិនត្រូវបានសង្ខេបពីបញ្ហានេះទេ រហូតដល់ព្រឹកថ្ងៃទី ៦ ខែមេសា ដែលជាថ្ងៃដែលកាសែត New York Times បានរាយការណ៍លើឯកសារត្រូវបានបោះពុម្ព។   […]
ព័ត៌មានជាតិ

ភរិយានាយករដ្ឋមន្ត្រី ផ្តល់អំណោយដល់សមាជិកមូលនិធិត្រីចក្រយានកម្ពុជាចំនួន២៩៦នាក់ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ

Posted on Author crt

រាជធានីភ្នំពេញ ៖ កាលពីថ្ងៃទី០៦ ខែមេសា ឆ្នាំ២០២៤ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អគ្គស្នងការសមាគមកាយឫទ្ធិនារីកម្ពុជា និងលោក ឃួង ស្រេង អភិបាលរាជធានីភ្នំពេញ និងជាប្រធានក្រុមប្រឹក្សាភិបាលនៃមូលនិធិត្រីចក្រយានកម្ពុជា បានអញ្ជើញចុះជួបសំណេះសំណាល និងចែកអំណោយ ដោយផ្តល់ជាគ្រឿងឧបភោគបរិភោគ និងថវិកាមួយចំនួន ដល់សមាជិកនៃមូលនិធិត្រីចក្រយានយន្តកម្ពុជា ចំនួន ២៩៦នាក់ នៅ សាលារាជធានីភ្នំពេញ ។ លោកជំទាវបណ្ឌិត បានមានប្រសាសន៍ថា ការរៀបចំកម្មវិធីសប្បុរសធម៌នេះ គឺដើម្បីចែករំលែកក្តីស្រលាញ់របស់ថ្នាក់ដឹកនាំ និងសមាជិកសមាគមកាយឫទ្ធិនារីកម្ពុជា ជាមួយសមាជិកនៃមូលនិធិត្រីចក្រយានកម្ពុជា ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខ និងជាការចូលរួមចំណែកក្នុងការលើកកម្ពស់សកម្មភាពសប្បុរសធម៌ក្នុងសង្គមកម្ពុជាផងដែរ នេះបើតាមតេឡេក្រាមរបស់ សម្ដេចបវធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ។ មូលនិធិត្រីចក្រយានកម្ពុជា ត្រូវបានបង្កើតឡើងនៅថ្ងៃទី១៨ ខែមករា ឆ្នាំ២០១៨ ជាគំនិតផ្តួចផ្តើមដ៏ខ្ពង់ខ្ពស់របស់សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ដើម្បីអភិរក្សត្រីចក្រយាន (ស៊ីក្លូ) ដែលមានដើមកំណើតតាំងពីឆ្នាំ១៩៣៦ មកម្ល៉េះ។ សមាជិកចំនួន ២៩៦ នាក់ […]
ព័ត៌មានជាតិ

សម្ដេចតេជោ ហ៊ុន សែន៖ រាជរដ្ឋាភិបាលនឹងបន្តផ្តល់ឤទិភាពក្នុងការជ្រើសរើស និងបណ្តុះបណ្តាលគ្រូបង្រៀន 

Posted on Author crt

សម្ដេចតេជោ ហ៊ុន សែន៖ រាជរដ្ឋាភិបាលនឹងបន្តផ្តល់ឤទិភាពក្នុងការជ្រើសរើស និងបណ្តុះបណ្តាលគ្រូបង្រៀន   ភ្នំពេញ)៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា រាជរដ្ឋាភិបាលនឹងបន្តផ្តល់ឤទិភាពក្នុងការជ្រើសរើស និងបណ្តុះបណ្តាលគ្រូបង្រៀន ដើម្បីបំពេញបន្ថែមនូវតម្រូវការគ្រូបង្រៀនប្រកបដោយគុណភាព។   ការថ្លែងបែបនេះរបស់សម្តេចតេជោ ហ៊ុន សែន គឺក្នុងឱកាសអញ្ជើញជាអធិបតីបិទសន្និបាតបូកសរុបការងារឆ្នាំចាស់ និងលើកទិសដៅការងារឆ្នាំថ្មីរបស់ក្រសួងអប់រំ យុវជន និងកីឡា នារសៀលថ្ងៃទី១២ ខែមេសា ឆ្នាំ២០២៣ នៅសាលសន្និសីទវិទ្យាស្ថានបច្ចេកទេសកម្ពុជា។   នាឱកាសនោះ សម្តេចតេជោ ហ៊ុន សែន បានថ្លែងថា «រាជរដ្ឋាភិបាលនឹងបន្តផ្តល់ឤទិភាពក្នុងការជ្រើសរើស និងបណ្តុះបណ្តាលគ្រូបង្រៀន ដើម្បីបំពេញបន្ថែមនូវតម្រូវការគ្រូបង្រៀនប្រកបដោយគុណភាព ការកៀរគរ និងការផ្តល់ធនធានបន្ថែមទៀតសម្រាប់គាំទ្រដល់ការអភិវឌ្ឍសមត្ថភាពគ្រូបង្រៀន ការអនុវត្តការកែទម្រង់សាលារៀន ការអភិវឌ្ឍនិងលើកកម្ពស់បំណិនសតវត្សទី២១ ដល់យុវជនការអប់រំវិទ្យាសាស្ត្រ និងបច្ចេកវិទ្យា ការជំរុញការអប់រំឌីជីថល ការកែទម្រង់សាលាគរុកោសល្យ ការលើកកម្ពស់សុខភាពសិក្សា និងការបង្កើតមជ្ឈមណ្ឌលឧត្តមភាពនៅគ្រឹះស្ថានឧត្តមសិក្សា»។   លោក ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ក៏បានឱ្យដឹងដែរថា ក្រសួងអប់រំបានរៀបចំគោលការណ៍នៃការគ្រប់គ្រងធនធានមនុស្ស […]

Leave a Reply

Your email address will not be published.